प्रेमीकांचे जेंव्हा लागते लग्न

प्रेमीकांचे जेंव्हा लागते लग्न
प्रेमात येऊ लागतात विघ्न

कोणाचंच फारसं चुकत नसतं
पण काहीतरी नकळत बिनसतं

चंद्र-तारकांचे होतात कांदे-बटाटे
दिसु लागतात फुलांमधले काटे

लाडिक हट्टांच्या अपेक्षा होतात
ओझी वहाण्याच्या शिक्षा होतात

प्रेमपत्रांची होतात वाण्याचि बिलं
नाही कळत,संगीत कुठं हरवलं?

लग्नापुर्वी सोडेना तो तिची पाठ
आता माहेरी जाण्याचि पाहे वाट

पुर्वी जपायची ती त्याचि आवड
आता कामांमध्ये कुठली सवड?

हे सगळं असुन लग्न होतातच
सगळे प्रेमीक हा लाडु खातातच