मराठी दिनाच्या हार्दिक शुब्ब्हेचा

लाभले आम्हास भाग्य बोलतो मराठी
जाहलो खरेच धन्य ऎकतो मराठी
धर्म, पंथ, जात एक जाणतो मराठी
एवढया जगात माय मानतो मराठी

आमुच्या मनामनात दंगते मराठी
आमुच्या रगरगात रंगते मराठी
आमुच्या उराउरात स्पंदते मराठी
आमुच्या नसानसात नाचते मराठी

आमुच्या पिलापिलात जन्मते मराठी
आमुच्या लहानग्यात रांगते मराठी
आमुच्या मुलामुलीत खेळते मराठी
आमुच्या घराघरात वाढते मराठी
आमुच्या कुलाकुलात नांदते मराठी

येथल्या फुलाफूलात हासते मराठी
येथल्या दिशादिशात दाटते मराठी
येथल्या नगानगात गर्जते मराठी
येथल्या दरीदरीत हिंडते मराठी
येथल्या वनावनात गुंजते मराठी
येथल्या तरुलखात सादते मराठी
येथल्या कळीकळीत लाजते मराठी

येथल्या नभामधून वर्षते मराठी
येथल्या पिकांमधून डोलते मराठी
येथल्या नद्यांमधून वाहते मराठी
येथल्या चराचरात राहते मराठी

पाहुणे जरी असंख्य पोसते मराठी
आपुल्या घरीच हाल सोसते मराठी
हे असे कितीक खेळ पाहते मराठी
शेवटी मदांध तख्त फोडते मराठी

प्रेम म्हणजे काय रे

प्रेम म्हणजे काय रे

प्रेम म्हणजे काय रे
दुधावरची साय रे
आपुलकीची ऊब मिळता
सहज उतू जाय रे...

प्रेम म्हणजे गात रहाणं
आनंदाचं गोड गाणं
प्रेम म्हणजे पोर्णिमेच्या
चांदण्यामध्ये बेभान होणं...

प्रेम म्हणजे झुळझुळ झरा
प्रेम म्हणजे अवखळ वारा
प्रेम म्हणजे सोनपिवळ्या
उन्हामधल्या श्रावणधारा...

प्रेम म्हणजे हळवं गीत
प्रेम म्हणजे व्याकुळ प्रीत
प्रेम म्हणजे कुर्बानीची
जगावेगळी न्यारी रीत...

प्रेम म्हणजे असून नसणं
प्रेम म्हणजे नसून असणं
प्रेम म्हणजे स्वतःपासून
स्वतःलाच हरवून बसणं....

प्रेम म्हणजे काय रे
दुधावरची साय रे
आपुलकीची ऊब मिळता
सहज उतू जाय रे....

हे असेच येथे

हे असेच येथे पर्वतशिखरी उंच उंच पोहोचणे
क्षणभर लावून हात नभाला पुनरपि गडगडणे

हे असेच येथे वा-यावरती उडून हलके होणे
उधळून टाकून वसने सारी सर्वदूर भरकटणे

हे असेच येथे पाण्याभवती स्तब्ध तीरही बनणे
फुले फुलवणे, पूल पोसणे यत्किंचित ना ढळणे

हे असेच येथे खुरडत खुरडत गर्दीमधून जाणे
भवतालीच्या कल्लोळातही अपुल्या विश्वी रमणे

हे असेच येथे आव आणूनी काही-बाही लिहिणे
अपुली मैफल अपुले गाणे स्वत:च टाळ्या पिटणे


....रसप....

आयुष्यात प्रेम करायचय मला ...

आयुष्यात प्रेम करायचय मला ...
दूर कुठेतरी समुद्रकिनारी
हातात हात घालुन बसायचय मला,
आकाशातील तारकांकडे बघताना
भविष्याचे हितगुज करायचय मला,
आयुष्यात प्रेम करायचय मला ...
माझ्या मांडीत डोक ठेऊन
तिला झोपी गेलेल पहायचय मला,
तिच्या शांत चेहेऱ्याकडे पहाताना
स्वतःशी स्मित करायचय मला
आयुष्यात प्रेम करायचय मला ...
तिच्यासोबत थोड दुष्टपणे वागुन
तिला रागाने लालबुंद करायचय मला
तिची आसवें पुसता पुसता पटकन मिठीत घ्यायचय तिला
आयुष्यात प्रेम करायचय मला ...
आयुष्यातील तिचा हिमालय
तिच्या बरोबरीने चढायचाय मला
शिखरावर पोहोचताना माझ्या सोबतीच आनंद
तिच्या डोळ्यातुन व्यक्त झालेला अनुभवायचाय मला
आयुष्यात प्रेम करायचय मला ...
ति माझ्यापासुन दुर जात असताना
विरहाच्या कल्पनेने खिन्न व्हायचय मला
ति नसल्यामुळे होणाऱ्या वेदनांना
डोळ्यावाटे मुक्त करायचय मला
आयुष्यात प्रेम करायचय मला ...
तिच्यसोबतचे माझे आयुष्य
झऱ्याप्रमाणे अवखळ जगायचय मला
पुन्हा जन्मेन तर जिच्यासाठी
तिचा चेहेरा पहात जायचय मला
आयुष्यात प्रेम करायचय मला..!!!!!
___________________________________
---कुणाल---
___________________________________

वेडी

अशी कशी वेडी गं तू?
कोणाच्या ऋणानुबंधात अडकलीस तू?

कोणाची शपथ वाहीली आहेस?
कोणाचे उपकार फेडते आहेस?

खरं प्रेम तुझं कोणावर आहे?
जे दाखवते,की जे तुझ्या डोळ्यात आहे?

बोल ना गं,आता तरी बोलशील का?
खऱ्या प्रेमाला आता अर्थ देशील का?

किती ठेवशील संयम,किती हा अबोला?
हसरा चेहरा पण डोळ्याचा कोना हा ओला.

जगाला फसवायला काय काय करशील?
जग नाही तू स्वतःच फसशील.

मनातल्या मनात गुदमरत आहेस,
आसवांना आतल्या आत वाळवत आहेस.

पण मला आता रहावेना झालयं,
तुझ्याशिवाय दुसरं काही सुचेना झालयं.

कधीतरी बोलशील म्हणून वाट बघतोय,
प्रत्येक क्षणाला माझा श्वास गुदमरतोय.

तुझी अन् माझी कसली ही परिक्षा?
जन्मभराची नाही पण एका क्षणाची मला अपेक्षा.

त्या अडीच शब्दांसाठी प्रत्येक क्षण मरेन.
त्या एका क्षणात सारं जीवन जगेन.

==================================
<<-- राहुल -->>

आहे एक वेडी मुलगी...!

आहे एक वेडी मुलगी ,कस सांगू तिला
सारखी विचारत असते ,GIRLFRIEND आहे का तुला ?


आहे ती सुंदर, दिसते ती मस्त,
माहित नाही ''फक्त मित्र '' समजते मला,की त्यापेक्षा जास्त?


तिला सांगण्याचा करतो मी नेहमी विचार,
पण जमत नाही आपल्याला मात्र,''तसले'' व्यवहार!



माहित आहे तिला, आहे मी खुप shy,
एवढे समजून ही ती स्वतच का नाही करत TRY?


''नाही'' म्हणाली तरी चालेल,समजू शकतो मी तेवढ,
आयुष्भर ''फक्त मैत्रिण'' रहा सांगायचा आहे तुला एवढ!

"तू"

मी कितीही विखुरलो
छिन्न भिन्न जाहालो
तू मला गोळा करतेस
लहान मुलाने चित्रकोडे
एकत्र करावे तसे ......................!

मी इतुका अवघडलेला
तु मला सहज मोकळा करतेस !
सहजपणे सगळे कसे जमते तुला हे ?
मी नेहमीच फाटलेल्या
वस्त्रा सारखा अलग थलग
तु सगळा मला जोडुन
आईच्या मायेने,
माझ्या फाटलेल्या वस्त्रांची गोधडी करतेस
उबदार, आश्वस्त...................

सहजपणे सगळे कसे जमते तुला हे ?
थंडी इतुकी कडाक्याची
झाडांचे ही खराटे होतात
गिळुनी सगळा उबदारपणा
रात्रीही गारठ्तात
तु मात्र............

मला बाहुपाशात घेऊन
विश्वाची उब माझ्या शरीरात भरतेस !
सहजपणे सगळे कसे जमते तुला हे ?
तुझ्या स्तनातून वाहणारे दूध
नाकारून
तु तुझ्या विसर्ग झालेल्या गर्भाला
विसरलीस माझ्यासाठी !
सहजपणे सगळे कसे जमते तुला हे ?

मी मात्र
पुन्हा पुन्हा उबीसाठी
तुझ्या शरीराला झोंबतो
अन्
तु तरीही माझ्यासाठी मोकळी होतेस
हरेक रात्रीस !
सहजपणे सगळे कसे जमते तुला हे ?

विजयकुमार